Skooltye

Normale skooltye is vanaf 08:00 tot 13:00.
Kinders kan reeds tussen 07:00 tot 07:45 afgelaai word, sodat almal betyds is en die hekke gesluit kan word vir veiligheid van ons kleuters.
Moet asb. nie die kinders voor 13:00 kom haal nie. Daar is ‘n wagklas beskikbaar tot 13:30.
Aan die einde van die kwartaal sluit die skool om 10:00.

Kleuters se klere

Ons het 'n klerebank by die kleuterskool wat kledingstukke, oud en soos-nuut verkoop teen R10 elk.
Die kleuterskool klere is beskikbaar by Peephole (Tel: 011 892 4060) by Market Straat, Boksburg.
Die somerklere bestaan uit ‘n koningsbou T-hemp met die Gr-R logo op met ‘n swart kortbroek.
Die wintersklere bestaan uit ‘n sweetpak en ‘n swart T-hemp.
Maak asseblief seker dat alle artikels (ook skoene en kouse) duidelik gemerk is.
Gr.000 kleuters moet ‘n ekstra stel klere en onderklere in hul tasse hê.

Ekstra inligting


Ons versoek dat kinders slegs R10 snoepiegeld bring op Vrydae vir lekkers.

Kinders moet gesonde kos in hul kosblikke kry op 'n daaglikse basis, lekkers word slegs op Vrydae toegelaat.

Rapporte:

  • 1ste kwartaal ontvang ouers 'n vorderings verslag om te sê hoe kinders aangepas en gevorder het. 
  • 2de kwartaal ontvang ouers 'n volledige rapport.
  • 3de kwartaal geen rapporte weens die revue.
  • 4de kwartaal ontvang ouers weer 'n volledige rapport.

Benodighede


Die volgende items moet asseblief op die eerste skooldag saamgestuur word:

  • 1 x Wet wipes
  • 1 x Boks Tissues
  • 1 x Vloeibare handseep
  • 1 x Pakkie pleisters

Elke kleuter moet ook vir ons n legkaart skool toe bring:

  • 4 jariges - 12 - 24stuk
  • 5 jariges - 25 - 50 stuk
  • 6 jariges - 50 - 100 stuk

Dankie vir U samewerking in die verband.

Sekuriteit


Reëlings vir toegang tot Kleuterkool

  • Die hekke van die kleuterskool sal oop wees van 07:00 - 08:30 soggens en dan weer van 13:00-13:30 in die middae. Indien U, U kleuter vroeër wil kom haal, reël asseblief vroegtuidig met die klasonderwyseres of skakel die kantoor by (011) 893 - 2024.

Op-en aflaai van kleuters

  • Ons wil ouers vriendelik versoek om hulle kleuters soggens tot by sy/haar klas te neem en in die middae daar te kom haal. Geen kleuter mag alleen by die hek gelaat word nie. Indien U nie die oorspronklike reëling ten opsigte van die op-en aflaai van U kleuter kan nakom nie, stel ons asseblief skriftelik in kennis wie U kleuter sal kom afhaal.

Kommunikasie


PERSONEEL:

  • U kan die personeel via die kantoor kontak, indien nodig, kan U 'n afspraak maak met die personeellid maak om haar te kom sien.

OMSENDBRIEWE:

  • U sal maandeliks ‘n Kleuterskoolnuusbrief ontvang waarin die tema’s, uitstappies, aktiwiteite en belangrike datums vir die maand aan U deurgegee sal word.